İsmayıllı Regional Mədəniyyət İdarəsinin tabeliyində fəaliyyət göstərən  İsmayıllı  rayon  MKS-nin  Uşaq şöbəsində kitaba və kitabxanalara marağı artırmaq məqsədilə növbəti tədbir təşkil olundu.

Diyarımızın müxtəlif kəndlərindən şagirdlər kitabxanamıza ekskursiya edib  “Nağıl otağı”nda  xalq nağıllarımızı səhnələşdirib, fondumuzda olan kitablarla maraqlanıb, cizgi filmi seyr etdilər.

Əməkdaşlarımız oxucuların xaişlərini nəzərə alıb kitabxanamızın  divarlarında  olan daşlaşmış nağıllar barədə məlumatlar verdilər. Hər bir oxucu üçün bu nağıllar-hekayələr düşündürücü olur. Görəsən “Ağacın budağını” bəzəyən bu meyvələr nə haqqındadır? Hansı nağıllardır? Onların mənası nədir?

           Kitabxananın əməkdaşı  oxucuları düşündürən sualları ətraflı cavablandırdı. Sonra oxucular kitabxanın digər şöbələri ilə tanış oldular, kitabxanaya  üzv  yazıldılar.