15.12.2017
İsmayıllı Regional Mədəniyyət və Turizm İdarəsinin tabeliyində fəaliyyət göstərən İsmayıllı rayon MKS- in Uşaq kitabxanasında Azərbaycan Milli Elmlər Akademiyası Folklor İnstitutunun "Azsaylı xalqların folkloru" seriyasından İsmayıllı ilə bağlı çap etdirdiyi kitabın təqdimat mərasimi keçirildi. Mərasimdə Folklor İnstitutu əməkdaşları, rayon ictimaiyyəti, ziyalı və müəllimlər, “Dağ çiçəkləri” ədəbi məclis üzvləri iştirak etdilər.
Tədbiri giriş sözü ilə RİH başçısının müavini Sevil Əhmədova açaraq İslam Həmrəyliyi İlində belə bir tədbirin keçirilməsinin milli mədəni müxtəlifliyin gerçəkliyinin bariz nümunəsi olduğunu, multikulturalizm və tolerantlıq ənənələrinin qorunub inkişaf etdirilməsinə dəyərli töhfə olduğunu diqqətə çatdırdı, bu sahədə ölkə Prezidentinin apardığı uğurlu siyasətdən danışdı.
Tədbir zamanı Folklor İnstitutunun direktoru, akademik Muxtar İmanov, kitabın tərtibçiləri filologiya üzrə fəlsəfə doktoru Atəş Əhmədli və institun doktorantı Dadaş Əliyev, İnstitutun əməkdaşı Elxan Məmmədli, əməkdar müəllim Cəfər Bağırov, Mollaisaqlı kəndindən İldırım Məsimov , Qalacıq kəndindən Bəxtiyar Kərimov, İvanovka kənd İcra nümayəndəsinin müavini Olqa Radayeva müxtəlif çıxışlar etdilər.
Bədii hissədə Lahıc və İvanovka folklor qruplarının maraqlı çıxışları tədbirə xüsusi rəng qatdı. İştirakçılara yeni nəşrlər paylanıldı.
Sonda film və sərgi nümayişi oldu.