Ziyallı şəxsiyyət və vətəndaş olaraq  kamilləşmənin yolu kitabxanalardan keçir. Elm və  ürfanın intelektin astanası, açarı olan, tarixən müqəddəs məbədgah hesab edilən, qiymətli  xəzinə kimi  nəsilbənəsil  gələcəyimizə ərməğan edilən kitabxanalar elmin  hüdudsuz üfüqlərinə ən doğru bələdçimiz və köməkçimiz olublar. Təsadüfi  deyil ki , informasiya  müxtəlifliyi və bolluğu ilə seçilən müasir dövrümüzdə də kitabxana elmi-mədəni  tərəqqinin  əsas sahələrindən biri  olaraq qalmaqda davam edir. Qloballaşmanın, informasiya cəmiyyətinin ayrılmaz tərkib hissəsi kimi öz dəyərini və mahiyyətini itirməyən kitabxanalarımız daim qonaq və  oxucularla bol olur. İsmayıllı Regional Mədəniyyət və Turizm İdarəsinin tabeliyində fəaliyyət göstərən İsmayıllı rayon MKS-in Uşaq şöbəsinin bu  günkü qonaqları İsmayıllı şəhər İsrayıl Həsənov adına 1 saylı  tam orta məktəbin azərbaycan dili və ədəbiyyyat müəllimi Maya xanım Aslanova  və onun rəhbərlik etdiyi VIII rus sinifi idi. Kitabxananın əməkdaşları şagirdləri buradakı rus və azərbaycan bölmələri ilə tanış edib, onları maraqlandıran sualları  cavablandırdılar.