İsmayıllı Regional Mədəniyyət və Turizm İdarəsinin tabeliyində fəaliyyət göstərən  Qəbələ Rayon Tarix-Diyarşünaslıq  muzeyində ”Qafqaz Albaniyası  2500 “adlı yeni, maraqlı sərgi təşkil  olunmuşdur. Sərgidə antik dövr dolçalar, vazalar,müxtəlif formalı  su qabları,boşqablar ,su boruları,kirəmit və kərpic nümunələri ,tuncdan bəzək əşyaları sərgilənmişdir.Maraqlı nümunələr tarixi  baxımından çox qədim olduğu qədər ,həm də   diqqətçəkicidir.Onu da qeyd etmək lazımdır ki, ХV əsrdə Qəbələ şəhərinə gizli yollarla su kəməri çəkilmişdir və həmin bu boruların nümunələri də sərgidə özünə yer tapmışdır.     

       Tuncdan müxtəlif formalı bəzək əşyalarının yeri bu sərgidə tamamilə başqadır. Zoomorf, həndəsi fiqurlar öz gözəlliyi ilə hər kəsi düşündürür və heyran edir. V-VI əsrlərdə texniki avadanlıqların olmadığı bir vaxtda  əl əməyinin, zəhmətinin  hesabına ərsəyə gələn  belə  gözəl sənət nümunələri doğma Azərbaycanımızın tarixən sənətkarlar yurdu olduğunu bir daha sübut edir. Hər bir kəsi Qəbələ rayon Tarix-Diyarşünaslıq  muzeyinə belə maraqlı  sərgini  tamaşa etməyə dəvət edirik.